६ हप्ता पछि रिपब्लिक सिनेटरले स्वीकारे वाइडेनको जित

पौष–१, २०७७

डोनाल्ड ट्रम्पले अमेरिकी राष्ट्रपति पदको निर्वाचनमा आफ्नो पराजय स्वीकार गर्न कठिन मानी रहेको समयमा एक उच्च रिपब्लिकन पार्टीका सिनेटरले जो वाइडेनलाई बधाई दिएका छन् । सिनेटका नेता मिच म्याककोनेलले वाइडेनलाई बधाई ज्ञापन गरेका हुन् ।

वाइडेनको जितको ६ महिना पछि पहिलो पटक रिपब्लिकनको तर्फबाट यो बधाई दिइएको हो । म्याककोनेलले ट्रम्प कार्यकाल वैदेशिक नीति, न्यायिक नियुक्ति र केही बोल्ड निर्णयका कारण महत्त्वपूर्ण रहेको प्रतिक्रिया दिएका छन् । म्याककोनेलले उपराष्ट्रपतिमा निर्वाचित कमला ह्यारिसलाई पनि बधाई ज्ञापन गरेका छन् । म्याककोनेल पछि अन्य रिपब्लिकन सिनेटरले पनि वाइडेनको जितलाई सहजता पूर्वक स्विकार्ने अपेक्षा गरिएको छ ।