फेसबुकलाई टुक्र्याउन माग गर्दै मुद्दा दायर

फेसबुकसँग अपिल गर्नका लागि पर्याप्त अवसरहरू हुनेछन्  त्यसैले तत्कालै फेसबुक टुक्रिहाल्ला भन्ने नसोच्दा हुन्छ।
मंसिर २५,२०७७

अमेरिकामा फेसबुकलाई टुक्र्याउन भन्दै मुद्दा दायर भएको छ । अमेरिकाका ४५ भन्दा धेरै राज्यका अभियोजनकर्ताहरूले फेसबुकले गैरकानुनी कदममार्फत् आफ्ना प्रतिस्पर्धीहरूलाई किन्ने र प्रतिस्पर्धालाई कमजोर पार्ने काम गरेको भन्दै उक्त कम्पनीविरूद्ध मुद्दा दर्ता गरेका छन्।

सामाजिक सञ्जाल कम्पनीविरूद्ध चलाइएको यो अहिलेसम्मकै सबैभन्दा उल्लेख्य कानुनी कदमको रुपमा हेरिएको छ ।

अधिकारीहरूले अदालतलाई फेसबुक कम्पनीलाई टुक्र्याउने बिषयमा सोच्न भनी अनुरोध समेत गरेका छन।

एक दशकमा सबैभन्दा धेरै डाउनलोड हुने मुख्य चार एप पनि सबै फेसबुक कम्पनीकै रहेका छन। अर्बौँ संख्यामा प्रयोगकर्ता रहेका इन्स्टाग्राम र ह्वाट्सएपमा समेत फेसबुककै लगानीमा संचालित छन।

फेसबुकलाई लगाइएका आरोप

४८ वटा राज्यले लगाएको उक्त मुद्दाको नेतृत्व गरेकी न्यूयोर्ककी महान्यायाधिवक्ताले उक्त कम्पनीले एक दशकसम्म प्रतिस्पर्धीहरूलाई चुप लगाउन प्रयोगकर्ताहरूको मूल्यमा आफ्नो एकाधिकारको दुरुपयोग गरेको बताएकी छन्।

अधिकारीहरूले फेसबुकले खासगरी साना र सम्भावित प्रतिस्पर्धी कम्पनीहरूलाई किन्ने वा सिध्याउनेु शैली लिएको आरोप लगाएका छन्।

अधिकारीहरूले फेसबुकले सन् २०१२ मा इन्स्टाग्राम र सन् २०१४ मा ह्वाट्सएप किन्ने काम प्रतिस्पर्धाको लागि किनिएको समेत बताएका छन्।

तर फेसबुकले भने सो समयमा ती कम्पनी निकै साना रहेको बताएको छ।

अधिकारीहरूले इन्स्टाग्राम र ह्वाट्सएपबाट लगानी झिक्न लगाएर फेसबुकको आकार सीमित गरिनुपर्ने माग गरेका छन्।

के भन्छ फेसबुक ?
फेसबुकले अहिले अनुसन्धान गर्न खोजिएका सम्झौता नियामकहरूले वर्षौँअघि स्वीकृत गरिसकेको जनाएको छ।

फेसबुककी एकजना बरिष्ठ कानुनी सल्लाहकार जेनिफर न्यूजस्टिडले भनेकी छनन ,सरकारले फेरि उही कुरा दोहोर्‍याउन चाहेको छ। त्यसले अमेरिकी व्यवसायलाई कुनै पनि विक्री अन्तिम होइन भन्ने डरलाग्दो चेतावनी दिएको छ।

फेसबुकले इन्स्टाग्राम र ह्वाट्सएपलाई सफल बनाउन करोडौँ खर्च गरेको बताउँदै आफूलाई उसकै शब्दमा जोडदार ढङ्गले प्रतिरक्षा गर्ने जनाएको छ।

उक्त मुद्दामा फेसबुकका प्रमुख मार्क जकरबर्गले पठाएका आन्तरिक सन्देशहरूलाई समेत उद्धृत गरिएको छ।

जसमा सन् २००८ को एउटा इमेलमा उनले प्रतिस्पर्धा गर्नुभन्दा किन्नु राम्रोु लेखेका थिए।

बीबीसीका उत्तर अमेरिका प्रविधि सम्वाददाता जेम्स क्ल्याटन भन्छन्स् फेसबुकसँग अपिल गर्नका लागि पर्याप्त अवसरहरू हुनेछन्। त्यसैले तत्कालै फेसबुक टुक्रिहाल्ला भन्ने नसोच्दा हुन्छ। बिबिसी बाट