चितवनको टिकौलीमा दुर्घटना, एक घाइते

मंसिर १९,२०७७
भरतपुर । चितवनको नारायणगड ( टाँडि सडक खण्डको टिकौलीमा भएको सवारी दुर्घटनामा एक जना घाइते भएका छन् ।

शुक्रवार दिउँसो नारायणगढबाट टाँडी तर्फ आउदै गरेको ना। ६ ख ४५ नम्वरको ट्रकले विपरीत दिशाबाट जाँदै गरेको ना ३७ प ९२७१ नम्बरको मोटरसाइकललाई ठक्कर दिँदा मोटरसाइकल चालक खैरहनी नगरपालिका १ वस्ने वर्ष ३७ का कृष्ण प्रसाद घिमिरे घाईते भएका हुन । उनको पुरानो मेडिकल कलेज भरतपुरमा उपचार भई रहेको र अवस्था मध्यम रहेको चिकित्सकलहरुले बताएको चितवन प्रहरीका प्रवक्ता सूर्य थापाले जानकारी दिए ।

प्रहरीका अनुसार दुवै सवारी साधन ईलाका प्रहरी कार्यालय टाँडीको नियन्त्रणमा रहेको र ट्रक चालकलाई भने जिल्ला प्रहरी कार्यालय को नियन्त्रणमा राखिएको छ।