कोरोना संक्रमणबाट महरा पत्नी सीताको निधन

कार्तिक -१९,२०७७

कोरोना संक्रमणबाट पूर्वसभामुख कृष्णबहादुर महराकी पत्नी सीताको निधन भएको छ ।

गृहजिल्ला  गएको बेला स्वास्थ्यमा सामान्य समस्या देखिएपछि उनलाई कार्तिक १३ गते दाङस्थित गोर्खा अस्पतालमा भर्ना गरिएको थियो। निमोनिया र स्वासप्रश्वासको समस्या देखिएपछि कात्तिक १४ गते शुक्रबार हेलिकोप्टरबाट काठमाडौं ल्याई नर्भिक हस्पिटलमा भर्ना गरिएको थियो ।

भेन्टिलेटरमा उपचारका क्रममा  सीता महराको ५९ वर्षमा बुधबार बिहान ६ः१५ मा निधन भएको हो । उनी माइस्थेनिया नामक रोगबाटसमेत विगत १० वर्षदेखि पीडित थिइन् ।

नर्भिक हस्पिटलमा पीसीआर टेष्ट गर्दा कोरोना पोजेटिभ देखिएको थियो। अवस्था गम्भीर भएपछि गत कात्तिक १५ गतेदेखि उनलाई भेन्टिलेटरमा राखेर उपचार सुरु गरिएको थियो ।