गाडी भाडा ८५० मा १४५० लियो

कार्तिक–८, २०७७

चितवन । चाडपर्वको समय वढि भाडा असुल गर्ने सवारीबाट भाडा फिर्ता गराइएको छ ।

काठ्माण्डौबाट कोपिलाकोट सिन्धुलीतर्फ जादै गरेको ना ४ ख ७३२ नम्वरको बसले बढी भाडा लिएपछि अस्थाई ट्राफिक प्रहरी पोष्टबाट खटिएको ट्राफिक प्रहरीले भाडा वढि लिनेहरुलाई फिर्ता गर्न निर्देशन दिएको बाग्मती ट्राफिक कार्यालय रामनगरले जानकारी दिएको छ ।

काठ्माण्डौबाट कपिलाकोट सम्मको भाडा रू. ८५० भएपनि बसले रू. १४५०÷ भाडा लिएको थियो । बढी भाडा रू. ६०० लिएको पाइएपछि बसमा सवार ३३ जना यात्रुको रू. ६०० का दरले जम्मा रू. १९,८००÷ फिर्ता गराई बसलाई कानून बमोजिम कारवाही गरिएको ट्राफिक प्रहरीले जनाएको छ ।