मुम्बई फेरी शीर्ष स्थानमा

कार्तिक–८, २०७७

चेन्नाइ सुपर किङ्सलाई १० विकेटले हराउँदै मुम्बई इन्डियन आइपिएल अङ्क तालीकाको शीर्ष स्थानमा उक्लेको छ । ११५ रनको लक्ष्य पाएको मुम्बईले विना कुनै विकेटको क्षति १३ औ ओभरको दोस्रो बलमा ११६ रन बनाएको थियो । क्वीन्टन डिककले ३७ बलमा ४६ रन बनाए भने त्यत्तिकै बलको सामना गरेका इसान किसनले ६८ रन प्रहार गरे । उनको पारीमा ६ चौका र ५ छक्का समावेश थियो ।

यस अघि टस हारेर पहिले ब्याटिङ गरेको चेन्नाइले ९ विकेटको क्षतीमा ११४ रन बनायो । चेन्नाइले तेस्रो ओभर सकिँदा ३ रनमा चार विकेट गुमाइसकेको थियो । ६.४ ओभरमा ३० रन जोडेर ६ विकेट गुमाएका थियो । सातौँ क्रममा ब्याटिङ गरेका साम करणले ४७ बलमा ५२ रन बनाए । उनले इम्रान ताहीरसंग नवौँ विकेटका लागि ४३ रनको साझेदारी गरे । ताहिर १३ रनमा अविजित रहे ।

४ ओभरमा १ मेडन सहित १८ रन खर्चेर ४ विकेट लिएका ट्रेन्ट बोल्ट म्यान अफ द म्याच घोषित भए ।