चितवनमा थप एक कोरोना संक्रमितको मृत्यु

कार्तिक–३, २०७७

चितवन । चितवनमा थप एक कोरोना संक्रमितको मृत्यु भएको छ ।

मृत्यु हुनेमा भरतपुर ४ बस्ने ७६ वर्षका पुरुष रहेको चितवन मेडिकल कलेजले जानकारी दिएको छ ।
श्वास प्रश्वासमा समस्या भई यही असोज २० गते भर्ना भएका उनमा सोही दिन कोरोना संक्रमण पुष्टी भएको थियो । उच्च रक्तचाप, प्रोष्टेट र थाइराइडको समेत समस्या भएपछि उनलाई सघन उपचार कक्षमा उपचार गराई रहेका ती पुरुषको आज सोमवार विहान ४ बजेर १ मिनेटमा मृत्यु भएको अस्पतालले जनाएको छ ।
यो सहित चितवन मेडिकल कलेजमा मात्रै कोरोना संक्रमितबाट मृत्यु हुनेको सख्या २८ जना पुगेका छन् । जसमा १६ जना पुरुष र १२ जना महिला रहेको अस्पतालले जनाएको छ ।