देशभरमा ६ सय ३४ संक्रमित थपिए

चितवन । पछिल्लो २४ घण्टामा देशका विभिन्न प्रयोगशालामा गरिएको परीक्षणमा ६ सय ३४ जनामा कोरोना संक्रमण पुष्टि भएको छ । यो सहित हालसम्म संक्रमित हुनेको संख्या ३१ हजार १ सय १७ पुगेको स्वास्थ्य तथा जनसंख्या मन्त्रालयले जनाएको छ । १२ हजार ५१९ स्वावको नमुना परिक्षण गर्दा ६ सय ३४ जनामा कोरोना पुष्टि भएको हो ।
देशभरमा विगत २४ घण्टामा १ सय ३६ जना उपचारपछि घर फर्केका छन् । उक्त संख्या सहित १८ हजार ३ सय ५० जना डिस्चार्ज भएका छन् भने आज मात्रै ९ जना थपिएर १ सय ४६ जनाले कोरोना संक्रमणबाट ज्यान गुमाएका छन् ।