भरत दाहाललाई २४ घण्टाभित्र उपस्थित गराउन सर्वोच्चको आदेश, लिखित जवाफ पनि माग्यो

सर्वोच्च अदालतले भरतमणि दाहालको बन्दीप्रत्यक्षीकरणसम्बन्धी रिटमा सरकारसँग लिखित जवाफ माग गरेको छ।

सर्वोच्च अदालतका न्यायाधीश कुमार रेग्मीको एकल इजलासले मंगलबार विपक्षीका नाममा कारण देखाऊ आदेश जारी गर्दै अनुसन्धानको मिसिल र बन्दीसहित २४ घण्टाभित्र लिखित जवाफ पेस गर्न आदेश दिएको हो।

विश्लेषक भरतमणि दाहालको हकमा डेनिका दाहालले प्रधानमन्त्री तथा मन्त्रिपरिषद्को कार्यालय, सिंहदरबार, काठमाडौंसमेतलाई विपक्षी बनाई बन्दीप्रत्यक्षीकरणको रिट निवेदन दायर गरेकी थिइन्।

रिटमाथिको प्रारम्भिक सुनुवाइपछि अदालतले ‘यसमा के कसो भएको हो रु निवेदकको मागबमोजिमको आदेश किन जारी हुनु नपर्ने हो रु’ भन्दै विपक्षीका नाममा आदेश भएको हो ।