आज भदौ १२ गते शुक्रबार,हेर्नुहोस राशिफल !

२०८३ साल भदौ १२ गते शुक्रबार सन् २०२६ अगष्ट २८ तारिख। साउन शुक्ल पक्षको पूर्णिमा तिथि। जनै पूर्णिमा, रक्षा बन्धन, पूर्णिमा व्रत, ऋषितर्पणी क्वाँटी खाने दिन र संस्कृत दिवस। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। -ज्योतिष पण्डित सूर्यनाथ लुइटेलले तयार पार्नुभएको आजको फलादेशः

मेष – दिन राम्रो छ। यात्रा सहज बन्ने छ। साथीभाइसँगको भेटले मनमा खुसी मिल्नेछ। आम्दानी हुनेछ। शिक्षाको क्षेत्रमा भने घाटा हुने खतरा छ। परिवारमा सुख र शान्ति मिल्नेछ।

वृष – शुभ दिन छ। नयाँ कामको सुरुवात गर्नु उपयुक्त हुन्छ। स्वास्थ्य र शिक्षामा सुधार हुनेछ। प्रेम सम्बन्ध सुमधुर बन्ने देखिन्छ।

मिथुन – गुम्न लागेको धन प्राप्त हुनेछ। सहकर्मीको साथ र सहयोग मिल्ने छ। विपक्षी साथी शान्त रहेकाले काम सहजै बन्ने छ। छोटो दूरीको यात्राको योजना सफल बन्ने देखिन्छ।

कर्कट – बोलीमा सरस्वतिको बास छ। साथीभाइसँगको सम्बन्ध सुमधुर बन्ने छ। स्वास्थ्यमा भने समस्या हुनसक्छ। शिक्षाका क्षेत्रमा भने सुधारका संकेत देखिने छन्।

सिंह -दिन राम्रो छ। काम गर्दा सचेत बन्नुभएमा फाइदा हुनेछ। परिवारमा खुशी मिल्ने छ। दाम्पत्य जीवन सुखमय बित्ने छ। धार्मिक कार्यमा सहभागी भएर दिनको सुरुवात गर्नु उचित हुन्छ।

कन्या – दिन सामान्य राम्रो छ। सञ्चित धन खर्च भए पनि मानसम्मान प्राप्त हुने दिन छ। सोचेको काम गर्दा फाइदा हुनेछ। पैसा तपाईंको हातमा नबस्ने भएकाले काम गर्दा सचेत बन्नु उचित हुन्छ।

तुला – दिन राम्रो छ। व्यापारमा लाभ हुनेछ। गुम्न लागेको सम्पत्ति प्राप्त हुनेछ। परिवारको साथमा बसेर रमाइलो गर्नु उचित हुन्छ। परिवारसँगको सम्बन्ध सुमधुर बन्नेछ। दाम्पत्य जीवन सुखमय बित्नेछ।

वृश्चिक – दिन सामान्य छ। सानो कुराले मनमा असन्तुष्टि बढ्नेछ। राज्यबाट भय बढ्ने छ। धार्मिक कार्यमा सहभागी भएर दिनको सुरुवात गर्नु राम्रो हुन्छ। शिक्षाको क्षेत्रमा थप मिहिनेतको खाँचो देखिन्छ।

धनु – दिन राम्रो छ। व्यापारमा लाभ मिल्ने छ। परिवारसँगको सम्बन्ध सुमधुर बन्ने योग छ। दाम्पत्य जीवनमा तपाईंको तर्कको जित हुनेछ। शिक्षाको क्षेत्रमा थप मिहिनेत गर्नुपर्ने देखिन्छ।

मकर – दिन राम्रो छ। शुभग्रहको बहुमत भएकाले सोचेको काम बन्ने छ। खर्च बढाए पनि इज्जत बढ्ने छ। दाम्पत्य जीवन सुखमय बन्ने छ। सुखद् यात्राको तय हुने दिन छ।

कुम्भ – जोगिएर काम गर्नुपर्ने दिन छ। स्वास्थ्यको विशेष ख्याल गर्नुपर्ने छ। मन अशान्त बन्ने जोखिम छ। पूर्वको लामो यात्रा नगर्नु राम्रो हुन्छ। परिवारसँगको सम्बन्धमा सुधार हुनेछ।

मीन – टाउको दुख्ने समस्या हुनसक्छ। तपाईंलाई काममा खटाएर लाभ लिने व्यक्ति सक्रिय भएकाले सचेत बन्नु उचित हुन्छ। बिहान उठेर धार्मिक कार्यमा सहभागी भएर दैनिक कामको सुरुवात गरेमा फाइदा हुनेछ।