चितवन र तनहुँमा भारी वर्षा, सतर्कता अपनाउन आग्रह

चितवन र तनहुँमा बुधबार (असोज ८) भारी वर्षा भएको छ । पछिल्लो एक घण्टामा चितवनस्थित त्रिशूली काली खोला र तनहुँस्थित सखार वर्षा मापन केन्द्रमा भारी वर्षा मापन गरिएको जल तथा मौसम विज्ञान विभागले जनाएको छ ।

विभागका अनुसार, थप वर्षा हुने सम्भावना छ । स–साना खोलाहरूमा आकस्मिक बहाब बढ्न सक्ने जोखिम रहेकाले सतर्कता अपनाउन विभागको अनुरोध छ ।