एकीकृत समाजवादी बागमती अध्यक्षमा भीम दाहाल सर्वसम्मत

नेकपा (एकीकृत समाजवादी) बागमती प्रदेश अध्यक्षमा भीम दाहाल सर्वसम्मत चुनिएका छन्।

सोमबार नयाँ नेतृत्वका लागि चार जनाको उम्मेदवारी परेको थियो। अध्यक्षका लागि दाहालसहित लक्ष्मण लम्साल, श्याम बस्नेत र बसुन्धरा हुमागाईंले उम्मेदवारी दर्ता गरेका थिए।

तीन जनाले उम्मेदवारी फिर्ता लिएपछि दोलखाका दाहाल सर्वसम्मत बनेका हुन्।

प्रथम अधिवेशनबाट उपाध्यक्षमा गोविन्द नेपाली र राजु श्रेष्ठ निर्वाचित भएका छन्।

सचिवमा एलपी श्रेष्ठ सर्वसम्मत भए । उपसचिवमा दीपक धनुके, नानीराम चौलागाईं र निरु खरेलले चुनिएका छन्।

अधिवेशनबाट १६८ सदस्यीय कमिटी निर्विरोध चुनिएको लक्ष्मण लम्सालले जानकारी दिए।