आज पनि नयाँ रेकर्ड, थपिए ११ हजार संक्रमित

आज ४९ प्रतिशतमा संक्रमण ।

माघ ५,२०७८

आज पनि नेपालमा कोरोना संक्रमणमा नयाँ रेकर्ड कायम भएको छ।

पछिल्लो २४ घन्टामा थप ११ हजार जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घन्टामा गरिएको २३ हजार ४ सय ९ परीक्षणबाट ११ हजार ३ सय ५२ जनामा पुष्टि भएको हो।

कुल २३ हजार ४०९ जनाको परिक्षण गर्दा उक्त संख्यामा संक्रमित थपिएका हुन।

१८ हजार ८७ वटा पिसीआर परीक्षणमा ९ हजार ५ सय २ जना र ५ हजार ३ सय ३१ एन्टिजेन परीक्षणमा १८५० गरी ११ हजार ३ सय ५२ जनामा कोरोना संक्रमण पुष्टि भएको हो।

मन्त्रालयका अनुसार यो हालसम्मकै सर्वाधिक संक्रमण हो। यस्तै औषत संक्रमणदर ४९ प्रतिशत रहेको मन्त्रालयले जनाएको छ।

काठमाडौं उपत्यकामा ६ हजार ३ सय ४३ जनामा संक्रमण पुष्टि भएको छ। जसमध्ये भक्तपुरमा ५ सय ७८, ललितपुरमा १ हजार १९ र काठमाडौंमा ४ हजार ६ सय ६६ जनामा संक्रमण पुष्टि भएको छ।