जम्मू, पठानकोट र उधमपुरमा रहेका सैन्य अड्डाहरूमा पाकिस्तानको आक्रमण : भारत

पाकिस्तानले जम्मू, पठानकोट र उधमपुरमा रहेका सैन्य अड्डाहरूमा आक्रमण गरेको भारतीय रक्षा मन्त्रालयले जनाएको छ ।

यी आक्रमणहरूलाई विफल पारिएको छ । कुनै पनि जनधनको क्षति भएको छैन । भारत आफ्नो सार्वभौमसत्ता र आफ्ना नागरिकहरूको रक्षा गर्न प्रतिबद्ध रहेको जनाएको छ ।

भारतले भन्यो, ‘यी सबै क्षेप्यास्त्रहरूलाई वायु रक्षा प्रणालीद्वारा सफलतापूर्वक रोकिएको र निष्क्रिय पारिएको छ ।’

यसैबीच, पाकिस्तानका रक्षामन्त्रीले जम्मू कश्मीरमा भएको कुनै पनि आक्रमणको जिम्मेवारी अस्वीकार गरेका छन् । ख्वाजा आसिफले बीबीसीलाई भने, ‘हामी यसलाई अस्वीकार गर्छौं, हामीले हालसम्म केही गरेका छैनौँ । जब पाकिस्तानले आक्रमण गर्छ तब सबैलाई थाहा हुनेछ ।’

जम्मू कश्मीरमा विस्फोट र ब्ल्याकआउटको रिपोर्ट आएको केही क्षणपछि ख्वाजा आसिफले बीबीसीसँग कुरा गरेका हुन् ।