भारतले दियो १० लाख डोज खोप, भोलि नेपाल आइपुग्ने

माघ ६,२०७७

भारतले नेपाललाई कोरोना भाइरसविरुद्धको उपलब्ध गराएको अनुदानको खोप भोलि नेपाल आइपुग्ने भएको छ ।

बुधवार आयोजित पत्रकार सम्मेलनमा स्वास्थ्य तथा जनसङ्ख्या मन्त्री हृदयेश त्रिपाठीले भारतले १० लाख डोज कोरोना भाइरसविरुद्धको खोप अनुदान दिएको बताएका हुन् । साथै पहिलो चरणको खोप भोलि आइपुग्ने बताइएको छ ।

अनुदानको खोप पहिलो चरणमा स्वास्थ्यकर्मी, एम्बुलेन्स चालक र सुरक्षाकर्मीलाई दिइने मन्त्री त्रिपाठीले बताए ।
एक जनालाई दुई डोज खोप आवश्यक भएको हुनाले ५ लाख जनालाई सो खोप पर्याप्त हुने छ ।