कोरोनाबाट चितवनमा एकैदिन पाँचको मृत्यु

माघ १२,२०७८

चितवन । चितवनमा कोरोना संक्रमणबाट एकैदिन पाँच जनाको मृत्यु भएको छ ।

जिल्ला स्वास्थ्य कार्यालय चितवनका अनुसार भरतपुर अस्पतालमा बुधवार ४ जना र कलेज अफ मेडिकल साइन्सेस (पुरानो मेडिकल कलेज) मा एक जना संक्रमितको मृत्यु भएको हो ।

भरतपुर अस्पतालमा नवलपुरका तीन जना र मकवानपुरका एक जनाको मृत्यु भएको हो । कलेज अफ मेडिकल साइन्सेसमा नवलपरासीका एक जनाको मृत्यु भएको स्वास्थ्य कार्यालयले जनाएको छ ।

चितवनमा आजै ८१९ नमुनाको परिक्षण गर्दा २८९ जनामा संक्रमण पुष्टि भएको थियो।

चितवनका तीन अस्पतालमा हाल ५६ जना संक्रमित उपचाररत छन् । एचडियुमा ४५ , आइसियुमा ११ र एकजना भेन्टिलेटरमा रहेका छन् ।