चितवनमा सक्रिय संक्रमित संख्या १८ सय पुग्यो

परिक्षण गरिएकामध्ये ३६ प्रतिशतमा संक्रमण । 

माघ ६ ,२०७८

चितवनमा बुधबार ३२२ जनामा कोरोना भाइरस संक्रमण पुष्टि भएको छ।

स्वास्थ्य कार्यालय चितवनका अनुसार ६९९ जनाको पिसीआर र १९५ जनाको एन्टिजेन परिक्षण गर्दा ३२२ जनामा संक्रमण पुष्टि भएको हो ।

संक्रमित मध्ये सबै भन्दा धेरै २६३ जना भरतपुर महानगरपालिका भित्रका रहेका छन।

चितवनमा सक्रिय संक्रमितको संख्या १८०० पुगेको छ। संक्रमित मध्ये १७५६ होमआइसोलेसन र ४४ जना संस्थागत आइसोलेसनमा रहेको स्वास्थ्य कार्यालयले जनाएको छ ।