किशोर श्रेष्ठको राजीनामा पछि गोपाल बुढाथोकीको नियुक्ती

  • असोज ०९, २०७७

आश्विन–९,२०७७

काठमाडौं । प्रेस काउन्सिल नेपालका कार्यवाहक अध्यक्ष किशोर श्रेष्ठले पदबाट राजीनामा दिएका छन् ।

३ वर्षअघि तत्कालिन अध्यक्ष भवानीप्रसाद बरालका विरुद्ध सर्वोच्च अदालतमा रिट परेपछि रिक्त पदमा बोर्ड बैठकले श्रेष्ठलाई कार्यवाहक अध्यक्ष तोकेको थियो ।

श्रेष्ठले आज शुक्रवार प्रेस काउन्सिल बोर्ड बैठकसमक्ष राजीनामापत्र बुझाएका हुन् ।

कार्यवाहक श्रेष्ठले कार्यकाल नसकिँदै राजीनामा दिएका हुन् ।

कार्यवाहक अध्यक्ष पदबाट राजीनामा दिएपनि श्रेष्ठ काउन्सिल सदस्यको पदमा भने यथावत् रहने छन् ।

श्रेष्ठको पदावधि यही असोज १२ गते सकिँदै थियो । कार्यवाहक अध्यक्षका रूपमा भूमिका निर्वाह गरेको अवधि कठिनपूर्ण रहेको श्रेष्ठले राजीनामा पत्रमा उल्लेख गरेका छन् ।

कार्यवाहक अध्यक्षमा बुढाथोकी श्रेष्ठले राजीनामा दिएपछि प्रेस काउन्सिल नेपालको आज बसेको बोर्ड बैठकबाट ज्येष्ठ सदस्य गोपाल बुढाथोकी कार्यवाहक अध्यक्षमा नियुक्त भएका छन्। बुढाथोकी साँघु साप्ताहिकका सम्पादक हुन्।

प्रकाशक

गृहनगर पब्लिकेसन प्रा.लि.,भरतपुर ,चितवन ,नेपाल.

फोन :- ९७७-५६५९४४४०

ईमेलः [email protected]

सूचना तथा प्रसारण बिभाग दर्ता नं.२०३७/०७७-७८