राहुलको सतकीय पारीमा पन्जाबको जित

आश्विन–९,२०७७

इन्डियन प्रीमीयर लिग (आइपिएल)को बिहीबार भएको खेलमा किङ्स पन्जाब ११ ले रोयल च्यालेन्जर्स बैंगलोरलाई ९७ रनले पराजित गरेको छ । पन्जाबलाई जित दिलाउने क्रममा कप्तान लोकेश राहुलले सतकीय पारी खेले । उनले ६९ बलमा १४ चौका र सात छक्काको सहयोगले १३२ रन जोडे । यस क्रममा बैंगलोरका कप्तान विराट कोहलीले क्याच छाडे पछि दुई पटक जीवन दान पाएका थिए । पन्जाबले तीन विकेटको क्षतीमा २०६ रन जोडेको थियो ।

२०७ रनको लक्ष्य लिएको बैंगलोर सुरुवात देखि धरासायी हुँदै १७ ओभरमा सम्पूर्ण विकेट गुमाएर १०९ रनमा समेटियो । चार रनमा तीन विकेट गुमाएको टोलीका लागि वांसिटन सुन्दरले सर्वाधिक ३० तथा एबी डी भिलियर्सले २८ रनको योगदान गरे ।

पन्जाबका मुगारन आश्विनले ३ ओभरमा २१ रन खर्चिँदै तीन तथा रवि विस्नोइले चार ओभरमा ३२ रन खर्चिँदै तीन विकेट लिए । सिमोन क्वाड्रेलले पाणीलाल र विराट कोहलीको महत्वपूर्ण दुई विकेट लिए । राहुल सो खेलका म्यान अफ द म्याच घोषित भए ।