• फागुन १९, २०८०, शनिवार Saturday, 02 March, 2024

भारत अमेरिका पछि दोश्रो स्थानमा, संक्रमितको संख्या ५० लाख नाघ्यो


भारत अमेरिका पछि दोश्रो स्थानमा, संक्रमितको संख्या ५० लाख नाघ्यो

भाद्र–३१,२०७७

भारतमा कोरोना भाइरस संक्रमण पुष्टि भएका मानिसको संख्या ५० लाख नाघेको छ । भारत कोरोनाभाइरस महामारीको सुचीमा अमेरिकापछि दोस्रो स्थानमा रहेको छ । विश्वमा अरू देशको तुलनामा भारतमा कोरोना भाईरस संक्रमण तीव्र गतिमा फैलिरहेको छ । गएको मंगलवारसम्म पाँच दिन दैनिक ९० हजार भन्दा बढी संक्रमित फेला परेका थिए । एक सातामा मात्रै त्यँहा ६ लाख संक्रमित थपिएका हुन । भारतमा कोरोना भाईरसको कारण ८० हजार भन्दा बढीको मृत्यु भइसकेको छ ।

भारतमा अहिले सघन उपचारका लागि अस्पतालमा शैंया र अक्सिजनको अभाव हुन थालेको छ । तर धेरै संक्रमित भए पनि मृतकको संख्या अतिप्रभावित अरू देशको भन्दा कम छ । देशको आर्थिक स्थिति बिग्रिन थालेको र लाखौँ मानिसले जीविकोपार्जन गर्न नसकेको भन्दै सरकारले महामारी नियन्त्रणका लागि पहिला लगाइएका बन्देजहरू हटाएपछि संक्रमण दर ह्वात्तै बढेको हो ।

केही समय यता श्वासप्रश्वासमा समस्या भएका संक्रमितको संख्या बढेपछि कृत्रिम अक्सिजनको माग एक्कासी बढेको छ । त्यँहाका अस्पताल र स्वास्थ्यकेन्द्रहरूमा दैनिक २ हजार ७०० टन अक्सिजन खपत भईरहेको छ ।

  • प्रकाशित मिति : भदौ ३१, २०७७, बुधवार ०७:४७ बजे

प्रकाशक

गृहनगर पब्लिकेसन प्रा.लि.,भरतपुर ,चितवन ,नेपाल.

फोन :- ९७७-५६५९४४४०

ईमेलः khabarmuluk@gmail.com

सूचना तथा प्रसारण बिभाग दर्ता नं.२०३७/०७७-७८