हेटौंडाकी कोरोना संक्रमितको भरतपुरमा मृत्यु

  • खवर मुलुक-संबाददाता
  • भदौ ०७, २०७७

चितवन । चितवनको भरतपुरमा कोरोना भाइरसको संक्रमणबाट थप एक जनाको मृत्यु भएको छ । भरतपुर स्थित पुरानो मेडिकल कलेजमा उपचाररत हेटौंडा ३ कि ६५ वर्षीया महिलाको शनिबार साँझ मृत्यु भएको हो । कलेजो र स्वास प्रश्वास सम्बन्धी उपचारका लागि ती महिलालाई साउन ३२ गते नै मेडिकल कलेजमा भर्ना गरिएको थियो ।

मृत्यु पश्चात ति महिलाको रिपोर्ट पोजिटिभ आएको भरतपुर अस्पतालका सूचना अधिकारी लिलाधर पौडेलले जानकारी दिएका छन् ।
अस्पतालमा उपचाररथ ति महिलाको भदौ १ गते नै स्वाब संकलन गरी परीक्षणका लागि भरतपुर अस्पताल कोभिड–१९ प्रयोगशाला पठाइएको थियो तर मृत्यु पश्चात मात्रै प्रयोगशालाबाट कोरोना पुष्टिको रिपोर्ट आएको थियो ।

सोही अस्पतालमा बिहीबार निधन भएका हेटौंडाका ७५ वर्षीय पुरुषमा पनि मृत्यु पश्चात मात्रै कोरोना संक्रमण पुष्टि भएको थियो । यो सहित चितवनमा कोरोनाबाट मृत्यु हुनेको संख्या ६ पुगेको छ । ति मध्ये २ जना मकवानपुर र १ जना कैलालीका रहेका छन् ।

चितवनका १० सहित १३ संक्रमित थपिए

हिजो शनिवार नै चितवनको भरतपुर अस्पताल कोभिड १९ प्रयोगशालामा चितवनका १० सहित १३ जनामा कोरोना संक्रमण पुष्टि भएको छ । भरतपुरका ७,राप्तीका ३, मकवानपुरका २ र नवलपुरका १ गरि १३ जना संक्रमित भएका हुन । उनिहरुको स्वाव भरतपुर अस्पताल, राप्ती क्वारेन्टिन र पुरानो मेडिकल कलेजबाट संकलन गरिएको थियो ।

प्रकाशक

गृहनगर पब्लिकेसन प्रा.लि.,भरतपुर ,चितवन ,नेपाल.

फोन :- ९७७-५६५९४४४०

ईमेलः [email protected]

सूचना तथा प्रसारण बिभाग दर्ता नं.२०३७/०७७-७८